न्यूयोर्कमा नेपाली प्रधानमन्त्रीको विस्तृत कार्यतालिका

३ असोज, न्यूयोर्क । संयुक्त राष्ट्रसंघको ६६ औं महासभामा भाग लिन १३ सदस्यीय नेपाली भ्रमण दलको नेतृत्व गर्दै प्रधानमन्त्री डा. बाबुराम भट्टराई न्यूयोर्क आइपुग्नुभएको छ ।स्थानीय समयअनुसार सोमबार अपरान्ह ३ बजे अर्थात नेपाली समयअनुसार मंगलबार बिहान करिव १ बजे प्रधानमन्त्रीसहितको टोली न्यूयोर्कको जोन अफ केनेडी अन्तराष्ट्रिय बिमानस्थलमा आइपुग्नुभएको हो । प्रधानमन्त्रीसहितको टोलीलाई संयुक्त राष्ट्रसंघका लागि स्थायी प्रतिनिधि तथा अमेरिका लागि नेपाली राजदूत लगायतका अधिकारीले बिमानस्थलमा स्वागत गर्नुभयो ।म्यानहाटनस्थित होटल ह्यातमा रहनुभएका प्रधानमन्त्रीले नेपाली समय अनुसार आज... 


राती ८ बजेबाट महासभामा सहभागीता जनाउनुहुने छ । 

महासभाका क्रममा प्रधानमन्त्री भट्टराईले बिभिन्न अन्तराष्ट्रिय फोरमहरुलाई सम्बोधन गर्नुका साथै बिभिन्न मुलुकका सरकार प्रमुख, बिदेशमन्त्री तथा राष्ट्रप्रमुखहरुसँग भेटवार्ता गर्ने कार्यक्रम रहेको छ । सेप्टेम्बर २४ तारिखमा महासभालाई सम्बोधन गर्नुहुने प्रधानमन्त्रीले भारतीय प्रधानमन्त्री, राष्ट्रसंघका महासचिव, चिनियाँ प्रधानमन्त्री लगायतलाई भेटने कार्यक्रम रहेको न्युर्योक स्थित नेपालको संयुक्त राष्ट्रसंघीय मिसन कार्यालयले जनाएको छ ।

प्रधानमन्त्रीको विस्तृत कार्यतालिका

२० सेप्टेम्बर २०११

बिहान १० बजे : महासभा बैठक

बिहान ११ बजे : पोषण सम्बन्धी बैठक

अपरान्ह १२ देखि दिउसो २ बजेसम्म : इनर्जी सम्बन्धी बैठक

दिउसो साढे ३ बजे : नर्वेली प्रधानमन्त्रीसंग भेट , वातावरण र अन्तर्राष्ट्रिय विकाशबारे छलफल

दिउसो ४ बजे : क्युवाका विदेशमन्त्रीसंग भेट

दिउसो साढे ४ बजे : युएनएचसिआरका नाभी पिलेसंग भेट

बेलुका पौने ५ बजे : वासिंटन पोष्टसंग अन्तरवार्ता

बेलुका साढे ६ बजे : हायात होटेलमा रिसेप्सन

२१ सेप्टेम्बर २०११

बिहान ९ बजे : अमेरिकी राष्ट्रपतिले सम्बोधन गर्ने राष्ट्रसंघको महासभा बैठक

बिहान साढे १० बजे : हेलेन क्लर्कसंग बैठक

बिहान साढे ११ बजे : भुटानी प्रधानमन्त्रीसंग भेट

अपरान्ह १२ बजे : श्रीलंकाका राष्ट्रपतिसंग भेट

दिउसो सबा ११ बजे : बान कि मुनसंग बिहानको खाना

दिउसो ३ बजे : बोलिभियाका राष्ट्रपतिसंग भेट

दिउसो पौने ५ बजे : युनिसेफका कार्यकारी निर्देशकसंग भेट

बेलुका ७ बजे : बाराक ओबामाले दिने रिसेप्सनमा सहभागी हुने

२२ सेप्टेम्बर २०११

बिहान ८ बजे : न्युक्लियर सुरक्षाबारे उच्चस्तरीय बैठक

बिहान ९ बजे : विशेष छलफल

बिहान साढे ११ बजे : स्लोभानियाका राष्ट्रपतिसंग बैठक

अपरान्ह सबा १२ बजे : लिन पास्कोसंग बैठक

दिउसो १ बजे : राष्ट्रसंघका अधिकारीसंग उच्चस्तरको बैठक

दिउसो ३ बजे : कनेक्टिकटमा आफ्ना बाल्यकालका गुरुसंग नीजि भेट

२३ सेप्टेम्बर २०११

बिहान सबा १० बजे : फिनल्याण्डका राष्ट्रपतिसंग बैठक

बिहान साढे १० बजे : मालदिभ्सका उपराष्ट्रपतिसंग बैठक

बिहान ११ बजे : मौरिटियसका प्रधानमन्त्रीसंग बैठक

अपरान्ह १२ बजे : न्यु स्कुलमा मार्क्सबादबारे प्रबचन

दिउसो ३ बजे : युएस अन्डर सेक्रेटरीसंग छलफल

दिउसो ४ बजे : युएन लाइब्रेरीमा पत्रकार सम्मेलन

बेलुका ५ बजे : युएएफपिएका कार्यकारी निर्देशकसंग बैठक

बेलुका पौने ६ बजे : विश्व शान्तिसंगको बैठक

बेलुका साढ् ६ बजे : मंगोलियाको स्थायी नियोगसंग रिसेप्सन

बेलुका ७ बजे : नेपाल मिसनले चियान फेडेरेशनमा गर्ने कार्यक्रममा सहभागी

२४ सेप्टेम्बर २०११

बिहान ९ देखि १ बजे भित्र : राष्ट्रसंघमा संबोधन । त्यही समय साढे १० बजे भारतीय प्रधानमन्त्रीसंग भेट ।

दिउसो साढे ४ बजे : कोलम्बियाका विदेशमन्त्रीसंग भेट ।

दिउसो सवा ५ बजे : राष्ट्रसंघका महासचिवसंग भेट ।

बेलुका ६ बजे : चिनिया टोलीसंग भेट ।

राती पौने १२ बजे : नेपालका लागि प्रस्थान ।
स्रोत: अनलाइन